ŹO, GA, CO? ZAPISK TERMINOW
Nižej nalicone terminy stoje teke w śišćanej wersiji Nowego Casnika wótśišćane.
Jolic měniśo, až znajośo wažny abo zajmny termin, kótaryž serbsku zjawnosć zajmujo,
a cośo jen našym cytarjam k wěsći daś, ga pósćelśo jen nam z e-mailom abo faksom
(glej menij „Redakcija“).
Terminy (25.04.24)
Chóśebuz/Cottbus
Wustajeńca: 30 lět Spěchowańske towaristwo za serbsku rěc w cerkwi
Ku góźbje tśiźasćalětnego jubileja załoženja se wótmějo wustajeńca wó stawiznach Spěchowańskego towaristwa za serbsku rěc w cerkwi z. t. (STSRC), a wóna se wótwórijo stwórtk, 25. apryla 2024, zeger 18:00 w klubowni Serbskego doma w Chóśebuzu na Droze Augusta Bebela 82. Wingrichojc Peter a Anke wótwórjenje wustajeńce muzikaliski wobrubijotej.
Studijny źeń: Ludowěda Serbow
z wócyma serbskich fararjow
Pětk, 26. apryla, pšosy Šula za dolnoserbsku kulturu na tśi pśednoski do Serbskego domu. Zeger 9:00 referěrujo dr. Hartmut Leipner wó „wjelikem praktikarju: Albinus Mollerus“. Tšupcański faraŕ jo pśed 450 lětami prědne dolnoserbske knigły wudał a jo statkował ako astronom, botanikaŕ a gótowaŕ kalendarjow. Zeger 10:45 slědujo pśednosk „Hadam Bohuchwal Šěrach – pcołkaŕ, wucabnik, stawiznaŕ a faraŕ“. Jan Malink powěda k lětosnym 300. narodninam duchownego wó jogo wjelebocnem statkowanju. Zeger 13:00 dajo Christina Kliemowa w zwisku z wustajeńcu „Darjona wěda“ dłymoki póglěd do derbstwa Bogumiła Šwjele. Płaśi cełkownje 12 euro, jadnotliwe pśednoski 4,50. Pśizjawśo se pšosym pód cysłom 0355 / 79 28 29.
Myšyn/Müschen
„Nježli až pójźoš“ – komorno- muzikowy kus a cytanje
Pětk, 26. apryla, pšosy Serbski ludowy ansambel (SLA) do gromadnego wejsnego doma Myšynarjow, a to zeger 19:00. Pód titelom „Nježli až pójźoš – Bevor du gehst“ dožywijośo tam komorno-muzikowy kus a cytanje wót Róže Domašcyneje.
Smyckowy orchester SLA grajo muziku Měrćina Weclicha a wiźiśo fota Maćija Bulanka, kenž pokažu žeńske w serbskich drastwach. Tikety dostanjośo pśi turistiskej informaciji w Bórkowach, pśi wjacornej kasy a na www.ansambl.de.
BARLIŃ/BERLIN
Pśedstajenje knigłow a filmowa retrospektiwa
W Nimskem historiskem muzeju (Unter den Linden 2) se wótwórijo pětk, 26. apryla, zeger 19:00, filmowa retrospektiwa (wiźeś až do 14. maja). Ku tej góźbje pśedstajiju se knigły „Sorbische Filmlandschaften. Serbske filmowe krajiny“, wudane wót dr. Grit Lemkoweje a dr. Andy Rädera. Mimo togo stej filma „Struga – Wobrazy našeje krajiny“ (NDR 1972) a „Mit Struga fing es an. Der sorbische Film und seine Geschichte“ (1987) wiźeś. Zastup płaśi 5 euro, kórtki móžośo skazaś pód 030 203 04 770 abo pśez mejlku na .
„Stary lud“ startujo do sezony
Z Dešna/Dissen. Slězy Domowniskego muzeja Dešno móžośo se dostaś z mało kšacami wěcej ako 1.000 lět slědk do casa słowjańskego srjejźowěka. How se zapalijo wogeń hyšći z wognjowym stalom a kśemjenjom (Feuerstein), se pśěźo pśěźeno z wrjeśencom a se barwi wałma z pomocu rostlinow. Na wótwórjeńskem kóńcu tyźenja, ga 27. a 28. apryla, dostanu gósći doglědy do starych rucnikaŕskich wuměłstwow kaž kowalstwo, zgótowanje pyšnotkow abo gjarncaŕstwo bźez gjarncaŕskeje wjertawy. Akteram móžośo pśi tom pśez ramje glědaś. Pśedstajarje dopokažu w małych wójowańskich scenach swój šyk. Małe kulinariske chłošćonki teke njebudu felowaś. Sedleński wobłuk „Stary lud“ buźo sobotu a njeźelu wót zeger 11:00 do 17:00 wótwórjony. Zastup płaśi 5,50 euro, za źiśi 3 euro. Wót maja se wótměju wjeźenja pó tom sedleńskem wobłuku, pśecej srjodu wót zeger 11:00 do 14:00.
Chto ma nejrědnjejšy bom w maju?
Kriterije pógódnośenja:
– wuglědanje boma
– wobźělenje pśi pśigótowanju
(wiśe) a pśi stajanju boma
– wašnja stajanja (za stajanje z ruku
dajo bonusowe dypki)
– wusokosć boma
Wšykne, kótarež kśě se wobźěliś, deje nam slědujuce pósłaś:
– nanejmjenjej tśi wugroniwe fota
(digitalnje) abo jaden wideoclip
• wót pśigótowanja a teke wót
pyšnjenja boma
• wót stajanja
– nanejmjenjej jadno wugroniwe
foto stajanego boma (digitalnje) Nowy Casnik buźo wó wuběźowanju rozpšawiś. Slědujuce dalšne informacije trjebamy:
– pśigranjańskego partnarja z adresu,
telefoniskim cysłom a
e-mail-adresu – wusokosć boma a licbu paršonow,
kótarež su pśi pśigótowanju
(wiśe) a pśi stajanju boma
pomogali
Pódłožki pšosym z postom abo ako mail na:
(gaž su pšašanja, zatelefoněrujśo 0355 / 48 576 453).
Kóńc zapósłanja jo 25. maja 2024
Historisch-etymologisches Wörterbuch der sorbischen Sprachen
Das Standardwerk zur ober- und niedersorbischen Sprachgeschichte komplett in zwei Bänden. Im Jahr 1979 legte Prof. Dr. Heinz Schuster-Šewc das erste Heft seines etymologischen Wörterbuchs der beiden sorbischen Sprachen vor und schloss es elf Jahre später mit dem 24. Band ab. Geschaffen hat er damit ein bis heute unverzichtbares Nachschlagewerk der sorabistischen und slawistischen Sprachwissenschaft. Hierin wird der sorbische schriftsprachliche, dialektale und historische Wortschatz einschließlich vieler Lehnwörter mit Blick auf die Wortherkunft und Bedeutung allseitig beschrieben. Als Fundament dient ein breites slawisches Vergleichsmaterial, welches miterfasst wurde. Die Gesamtausgabe beinhaltet ebenfalls Nachträge und Ergänzungen, die nach 1990 in wissenschaftlichen Zeitschriften erschienen sind.
rěc artikela: nimski
bibliografiske daty: 2 Teilbände 1. Auflage der Gesamtausgabe, 1911 S., Hardcover
ISBN 978-3-7420-2808-2
Preis: 60,00 €
www.domowina-verlag.de
NOWOSĆI Z LND
zwjazk I a – modlitwa zwjazk II modlitwa – źurja
