Z Nižozemskeje/Niederlande. Wót 8. do 12. apryla smy byli ako team wótźělenja „Regionalne wuwiśe a mjeńšynowy šćit“ ze sedym wósobami na ekskursiji w nižozemskej prowincy Fryslân (Pódwjacorna Friziska). Naš zaměr jo był, tam bydlecu frizisku mjeńšynu zeznaś a zgóniś, kótare napšawy a iniciatiwy k swójomu šćitoju dajo a kak te statkuju. Wjeliki źěk słuša Mirjam Vellingam wót pódwjacornofriziskeje kubłańskeje komisije „Afûk“, kótaraž jo pśez někotare mjasece program za cełu ekskursiju zestajała a nam zmóžniła, z wjelikeju licbu wažnych akterow do rozgrona pśiś.