Lube źiśi,

wy maśo hyšći prozniny. Naźejam se, až maśo wjele šposa kuždy źeń! Snaź weto južo pitśku wuknjośo za šulu? Ale žeden tšach, take njok dalej rozpowědaś. Mója tema su něnto góruce dny. Take dny, gaž dobre wochłoźenje jo kradu trjebne! Pijośo raźi limonadu? Chłodka limonada móžo byś witane wochłoźenje na górucych dnjach. Ale: Limonady su słodke piśa, njejsu tak strowe. Togodla wy njedejali tak cesto limonadu piś. Mam pak dobry tip za was: Móžośo teke raz wuproběrowaś strowšu limonadu, kótaraž jo z mjodom město cukora! A taku móžośo wjelgin lažko a póměrnje malsnje sami pśigótowaś. Nejlěpjej jo, gaž pitśku pomaga maś abo nan. Weto jo to směšnje lažka wěc.

Ja mam za was dwa recepta. Tej som wuproběrowała slědny kóńc tyźenja, dokulaž jo tak góruce było. Jaden recept jo za citronowu limonadu z mjodom, ten drugi jo za grapefruit-limonadu z mjodom. Pśicynki za wobej recepta namakajośo w šeryma kašćikoma.

Tak pśigótujoš citronowu-mjodowu limonadu: