Z Łužyce/Lausitz. Na rewěrowy koncept LEAG a komentar Domowiny k tomu jo Casnik dostał medijowu powěźeńku Serbskego sejma: W medijach jo zgóniś, až Domowina kritizěrujo nowy rewěrowy koncept LEAG, w kótaremž jo pśedwiźone to wótbagrowanje Miłoraza. Domowina co se solidariski z tymi wopokazaś, kótarež njekśě spušćiś Miłoraz, a teke z tymi, ako kśě pśeśěgnuś dla wobśěžkowanjow bliskeje jamy. „My se wjelgin wjaselimy, až Domowina něnto skóńcnje pódpěrujo kurs Serbskeg Sejma. Stakim jo nastała wobjadnosć Serbow a naźeja se zwignjo, až buźo se nam raźiś, Miłoraz zdźaržaś, a až we jsy buźo měr nastaś móc mjazy wóstajucymi a tymi, kótarež śěgnu pšec“, jo groniła Edith Pjeńkowa. Wóna jo starstwowa prezidentka Serbskego sejma a wójujo južo lětźasetki dłujko pśeśiwo wótbagrowanjeju łužyskich jsow. Glědajucy na rewěrowy koncept jo wóna dodała: „Dejmy šćitaś naše serbske jsy, ale teke serbsku kulturnu krajinu ze swójimi jadnoraznymi biotopami, z jagodatymi gólami a habitatami brjazkowych kokošow.