Z Łužyce/Lausitz. Serbski sejm jo pśewjadł 14. nowembra swójo 18. pósejźenje ako wideo-konferencu. Centralny wunosk pósejźenja jo było załoženje Peticiskego wuběrka. Slědujucy póžedanju z wuběrka su wótpósłańce diskutěrowali wó tom, temy, pšašanja, naraźenja a kritiku we formje peticijow Serbskemu sejmoju pśednjasć. Póžedanje jo se jadnogłosnje pśiwzeło a wuběrk jo se wutwórił. Wótněnta mógu wobydlarje peticije z mejlku na a skóro teke pśez webbok Serbskego sejma pósłaś. Póstajili su se teke terminy a městna pósejźenjow za lěto 2021. Pśi pósejźenjach zaplanuju se wobchójźenja městnosći a kontakt z wobydlarjami, pśi comž buźo se wó tam palecych problemach diskutěrowaś. Terminy a městna, źož budu pósejźenja Sejma su teke schwalone byli. Pó prědnem źělu pósejźenja jo se Serbski sejm dalej zaběrał z nacerjenim statnego dogrona z metodu namakanja konsensa. Z tym budu se teke dalej zaběraś. Pśiduce pósejźenje Serbskego sejma buźo 12. decembra nejskerjej w Rogowje/Horno (Forst/Baršć).