Z Turjeja/Tauer. Rainer Schiemann, pśisamem 20 lět jadnaŕ (Geschäftsführer) gmejnskeje firmy „Towaristwo za wódychanje we bliskosći – Maznikojski jazor Turjej“, sednjo se skóro na wuměńk. Jogo firma zastoj to znate campingowanišćo pśi Maznikojskem jazorje, na kótaremž bydli 160 wobstawnych camparjow. Stakim jo to jadno tych nejwětšych campingowanišćow w pódpołdnjowej Bramborskej. Schiemann jo jo z wjelikego długa wutergnuł a wucynił, až wóno pśinjaso gmejnje chytšy dobytk. Pśi góźbje swójogo wótejźenja jo wón na woklapnicy w Turjeju w januaru zespominał, kak to campingowanišćo jo se za jogo cas wuwiło.