Južo 2014 jo se naraźiło głownje wót starjejšych a dalšnych wobydlari w Gołkojcach, až ma se tam twariś nowa cełkowna šula (Gesamtschule), na kótarejž wuknu źowća a gólcy wót 7. do 10. rědownje a jolic wóni kśě, mógu tam teke pó 12. rědowni swój abitur gótowaś. Jich ideju su we Wokrejsnem domje w Baršću pódpěrowali, teke dla togo, až we wokrejsu Sprjewja/Nysa taku wažnu šulu hyšći njamaju.