Jaden z nejzajmnjejšych a nejcesćej wótmólowanych wobrazowych kamjenjow ze słowjańskego casa w Nimskej jo tak pomjenjony Swantewitowy kamjeń w cerkwi jsy Altenkirchen na Rujanach. Twarjenje cerkwje póchada z drugeje połojce 12. stolěśa a jo nejskerjej nejstaršy Bóžy dom na tej wjelikej kupje w Bałtiskem mórju. Do pódzajtšneje wenkowneje murje cerkwje bu něga zamurjowany słowjański wobrazowy kamjeń, kenž ma mě „Swantewitstein“. Wótergi gronje jomu teke „Priesterstein“, „Götzenstein“, „Steinbabe“ abo „Tezlaw-Stein“. Wó njom njejo dalej nic znate a niźer njejo nic historiskego zapisane. Wěcej razow bu kamjeń w zajźonem stolěśu na póglědnicach wótmólowany.