To camprowanje źeń pśed jubilejnym 110. zapustom 14. februara w Popojcach jo było wjelgin napinajuce. Cełu sobotu až do wjacora jo było tych wušej 50 camprowakow ducy, aby pla tych něźi 250 wobydlarjow (mimo tych wokoło 150 wobydlarjow w tamnej starcowni) pšosyli wó pjenjeze, jaja a tuk. Ta wjelika proca jo se wupłaśiła. Njejsu nam k wěsći dali, wjele euro a centow su nazběrali, ale su znate cynili, kak śěžke su byli te tejzki z pjenjezami: nejlažčejša jo była ta z 232 gramami, nejśěžčejša ta z něźi 2000 gramami. To wěsće dosega, aby mógali tych gercow pśi camprowanju a zapustojskem pśeśěgu a wšo druge zapłaśiś, a snaź jo teke něco wušej wóstało za kokot.