Z Picnja/Peitz. Mjazynarodny folklorny festiwal Łužyca se pśibliža. Za tyźeń pětk, 5. julij, buźo Hochoza góspodowaś tych 700 wobźělnikow a wjeliku licbu gósći. Doněntejšny šołta Hochoze Fryco Wojto, zastupny jadnaŕ Domowiny Marcus Końcaŕ a zastupny wjednik picańskego amta za kulturu a turizm Dirk Redies su informěrowali zachadny tyźeń wałtoru w picańskem amśe, co tam na gósći tenraz caka.