Rummelsburg źinsa (cerwjene płoniny; z carneju liniju wobcerjony jo pódwjacorny źěł Rummelsburga, kótaryž słuša něnto oficielnje do Chmjelowa). Linija : Historiska granica mjazy Chmjelowom a Zaspami, ako za powěsću našych dowěrnikow jo wobstojała do 1990tych lět. Źinsajšna oficielna granica (Droga Marjany Domaškojc). Šypka: Domanic dwór. 
Ze Zaspow/Saspow. W maju dej se tudy prědny raz we nowem casu wuzwólowaś wejsna pśirada, za eksemplom drugich měsćańskich jsow kaž Depsk abo Žylow. A pśi tej góźbje dajo pógóršowanje: Někotare zaspicke wobsednikarje njesměju sobu wuzwólowaś, dokulaž... jich dwóry laže oficielnje we měsćańskem źělu Chmjelow!
Až historiske granice něgajšnych samostatnych jsow njemakaju se wěcej ze źinsajšnymi měsćańskimi źělami, dla tog dajo młogi raz górjenje. Kaž łoni w Starem Chmjelowje, źož někotarym wobydlarjam se njespódoba, až identita jich jsy se minjo we tom wjelikem měsćańskem źělu Chmjelow (Casnik jo pisał).