Wótekšyśe noweje tofle: (wót lěwego boka) Gudrun Leeschowa, wušy šołta Holger Kelch, pśedsedaŕ Strobicańskego towaristwa Detlef Buchholz a Matejsa Klosa źowka tśeśego naroda Barbara Sanchez. 
Strobice/Ströbitz. Na strobicańskem kjarchobje su srjodu tyźeń wuswěśili wótnowjone rownišćo swójźby strobicańskego bura Matejsa Klosa (1863–1934) z lěta 1921. How stoj ten jaden samy zeźaržany rowowy kamjeń z 20. stolěśa, ak ma jano serbske napismo: Zemske wotpocywanišćo swojźby Matejsa Klosa. Wušej togo lažy how zakopany togo Matejsa syn Fryco Klos (1892– 1973), we lětach 1921–1925 wjednik filiale Serbskeje ludoweje banki w Chóśebuzu. Pśi tej góźbje jo wordował wótekšyty nowy wopomnjeński kamjeń z napismom we nimskej, serbskej a engelskej rěcy.
Diese Seite drucken