To ga jo rědny rozglěd z balkona bydlenja serbskego casnikarja a publicista Horsta Adama na Bebelowej droze w Chóśebuzu! Ten góspodaŕ wiźi wót how źěl něgajšneje paleńcarnje Melde, a wušej togo pśiglědujo, kak mjazy staršymi chromami se nowe pó modernem stilu twarje. „Ja how cesto sejźim a pśemyslujom wó tom a drugem, tež wó nowych idejach w mójom źěle. To jo pšawy tuskulum, za mnjo a za móju partnarku Helgu, z kótarejuž how južo pěś lět gromaźe bydlim“.