Z Města/Cottbus. Pśi toś tych górucych temperaturach, ako smy lětosa južo měli, jo chłodny flack we džunglu rowno to pšawe! Takeje mysli su teke byli wuknice a wukniki 3. a 6. lětnika ze zakładneju šulowu „Wilhelm Nevoigt“ Chóśebuz a „Krabat“ Janšojce. Wóni su kreěrowali comici za lětosne wuběźowanje Rěcnego centruma WITAJ, kótarež jo měło temu: „Witajśo do džungla“. Comic-kreslarje su se wumyslili kuriozne tšojeńka ze zwěrjetami. Jaden rědnošuflitowaŕ jo w swójom dnjownem cowanju w džunglu a samo lutk wótbocyjo krotko tam... Jurory Sandra Mäh-lojc, Frank Matijašk a Katrin Lehmannojc su comici pógódnośili.

A to su dobyśaŕki:

W kategoriji 1.do 4. lětnika dobydnjotej 1. myto Helena Noldenojc a Maria Gorelova z comicom „Waźenje w džunglu“, 2. myto dostanjotej Amilia Weiherojc a Emilia Sallmonojc za comic „Džungel pótajmstwow“, a 3. myto ma Enna-Luise Haneyojc z comicom „Wumóžujuce wójowanje“. Wšykne su wuknice zakładneje Europa-šule „Wilhelm Nevoigt“ Chóśebuz.

W kategoriji 5. do 8. lětnika jo dobyśaŕka Marie Richterojc ze zakładneje šule „Krabat“ Janšojce.