29. seminar źěłoweje kupki słowjańskich mjeńšynow jo zgromaźił zastupnikow z jadnasćo krajow w głownem měsće Albańskeje a póstajił směr za pśichod.

Tirana. Wót 4. do 7. junija 2026 jo pśewjadła źěłowa kupka słowjańskich mjeńšynow (AGSM) swój 29. seminar w Tiranje, prědny raz w Albańskej republice. 40 delegatow z cłonkojskich organizacijow a zastupnikow albańskich mjeńšynow jo se zejšło, aby póraźowali a se wuměnjali. Wažny programowy dypk jo teke był swěźeń 30 lět wobstaśa AGSM.

AGSM jo se załožyła pód kšywom Federalistiskeje unije europskich narodnych mjeńšynow (FUEN) w lěśe 1996, direktnje pó kóńcu zymneje wójny a wesrjejź kšawnych jugosłowjańskich wójnow. Iniciatiwa jo wujšła wót Domowiny, kótaraž jo wiźeła seś Słowjanow za wažnu a zmysłapołnu.