Z Drjejc/Drewitz. Pśi kradu dešćowatem a wichoratem wjedrje su drjejcańske spiwaŕki a spiwarje 115-lětne wobstaśe swójogo chora swěśili. Za to su spśijaśelone chory zbliska a zdaloka do Drjejc pśišli, aby zgromadnje z nimi swěśili. Njeźiwajucy na kipate wjedro su se teke wšykne na jawišćo pód gołym njebjom pśi cerkwi wěrili a tam spiwali. To pak njejo było ceło lažko. Pśez šybotanje bomow njejo publikum wšykno słyšał a teke spiwaŕki a spiwarje nic. Mimo togo njejo dla wjedra technika pšawje funkcioněrowała. Ale wšykne su wopytali to nejlěpše z togo cyniś.