Witajśo lube źiśi,

som pónjeźele, 1. junija, wjelicke dyrdakojstwo dožywiła. Źiśi ze źiśownje „Im Zeichen der Linde“ z Mósta su mě na źeń źiśi pśepšosyli. Pótakem smej se, Iben a ja, pśewoblakłej a smej tam dojěłej. Pópšawem ga som serbska myška, ale ja som wordowała mudra myška, wót roda Cherokee. Ceła źiśownja jo była z kanu, tipijami a kaktejami wupyšnjona, samo jaden martrowański pal jo tam stojał. No źiśi, sćo južo wugódali, kótary moto jo naš swěźeń měł?