Z Barlinja/Berlin. Wót měrca dajo w Barlinju drogowe tofle w drugej rěcy. Jo to jidišćina, germaniska rěc, kótaruž wjele žydojskich luźi su powědali respektiwnje źinsa hyšći wužywaju. Blisko Naměstna Alexandera wesrjejź głownego města jo był stary běrtyl brožnjow (Scheunenviertel), w kótaremž jo bydliło až do srjejźa 1930ych lět wjele žydojskich luźi, wósebnje teke z pódzajtšnych krajow, a jidišćina jo była tam głowna rěc. Aby to luźam zasej do wědobnosći pśišło, jo wuměłc Sebes-tyén Fiumei w lěśe 2021 instalěrował pśidatnu drogowu toflu z mjenim Grenadierstraße (źinsa jo to Almstadtstraße) w jidiskem pismje. To jo amt pón zasej wótpórał. Ale jidiske aktiwisty su se dalej procowali. A tak su wót měrca instalěrowali 10 toflow z jidiskeju rěcu. Su to módre tofle ze pśidatnymi informacijami w nimskej a engelskej rěcy a qr-kodom, tak, až jo teke ned k wiźenjeju, až wóni njejsu oficialne běłe drogowe tofli. Rěcny aktiwist Jake Schneider, kenž teke pórucyjo wjeźenja k stawiznam pśez běrtyl, pak groni, až za njogo ma to wjeliki wu-znam. Dnja 9.