Z Města/Cottbus. Wuknice a wukniki, starjejše, wucece a serbske pśijaśelki a pśijaśele w bogatej licbje jo mógał šulski wjednik dr. Matthias Guttke slědny stwórtk – w tyźenju pśed abiturnymi pśespytowanjami – k nalětnemu koncertoju w awli Dolnoserbskego gymnaziuma (DSG) wuwitaś. Pśez program pód motom „Wócuśenje zukow“ stej wjadłej, woblaconej ze serbskeju drastwu, wuknice Bernadette a Paula z rědownje 9a (źělnje dwójorěcnje). W swójej moderaciji stej teke zajm na to chyliłej, až jo to pó dlejšem zasej jaden nalětny koncert, pśi kótaremž teke šulski orchester wustupijo.