Zajźonu srjodu jo Serbski muzej Chóśebuz póbitował źěłaŕnicku za natwarjenje togo twaŕskego seta, kenž ma tuchylu na pśedań. Ned 12 luźi jo se wobźěliło, aby z pomocu Kathariny Kliemoweje natwarili swój wósobinski wupyšnjony drebom. Pśed tym jo Christina Kliemowa mały pśednosk k historiji błośańskego dreboma źaržała. Samo wukazanje k twaŕskemu setoju jo serbski napisane.