Z Města/Cottbus. Gódownicka z muzikaliskim programom ma na Dolnoserbskem gymnaziumje (DSG) dłujku tradiciju. Až jo to lětosa ta mjaztym 72. gódownicka DSG, su gósći w póstrowjeńskich słowach šulskego wjednika dr. Matthias Guttke zgónili. Ako jadna se to źe licy, ale dwa termina jo dało: wałtoru, 9. decembra, a teke srjodu, 10. decembra, su pśewjadli swóju gódownicku pód motom „Zymska kšasnosć“. Pśeto tych starjejšych, starych starjejšych a drugich bliskich, kenž kśě ten dorost pśi wustupje dožywiś, jo ga teliko, až njamóžoš wšych naraz do awle DSG spóraś. Ze šulsko-internym tiketowym systemom jo se publikum togodla na toś tej dwa dnja rozdźělił.