Z Budyšyna/Bautzen. Na swójom 4. pósejźenju w budyšyńskem Serbskem domje jo prezidium Domowiny wałtoru, 19. awgusta, mjazy drugim delegaciju za 69. FUEN kongres wobzamknuł, kótaryž se wótmějo wót 23. do 26. oktobra w Bozenje (Pódpołdnjowy Tirol, Italska). Zaběrali su se cłonki teke z rozpšawu Domowiny a Rěcnego centruma WITAJ za lěto 2024. Dalšna tema jo była góspodaŕski plan za lěto 2026, kótaryž wobpśimjejo móžne scenarije zežarjenja. Wobglěduju pśi tom wobgranicowane źěłowe městna, kótarež su nastali wót lěta 2021 a maju spěchowanje serbskeju rěcowu a jeju rewitalizaciju ako głowny zaměr. Pśedłogu ma zwězkowe pśedsedaŕstwo schwaliś. Mimo togo jo se zaběrał prezidium ze zaměrowym dojadnanim Domowiny ze Załožbu za serbski lud za lěto 2026, kótarež pó-stajijo śěžyšća napśeśiwo spěchowaŕce, kaž zawěsćenje politiskego zastupnistwa serbskego luda, wutwarjenje analognych a digitalnych rěcnych rumow, kubłańske źěło w Rěcnem centrumje WITAJ a spěchowanje góspodaŕstwa, turizma abo ludowego wuměłstwa.