Kompaktny kurs jo se zasej zakóńcył z cołnowanim, tenraz w Lubinje.Jens Martin a jogo źowka Milena stej byłej gósća na slědnem Serbskem bliźe w Serbskem muzeju w Měsće. Foto: M. Golašojc/O. D.

Intensiwny tyźeń lažy za 100 wobźělujucymi tyźeń dłujkego kompaktnego kursa. Šula za dolnoserbsku rěc a kulturu jo zasej nowy rekord wobźělnikow dojśpiła w prědnem tyźenju prozninow. Team kołowokoło wjednice Uty Henšeloweje jo zasej wótměnjajucy program organizěrowała, a to mimo wucby dopołdnja a wótpołdnja. Na wótpołdnjach su se pśizamknuli wšake zarědowanja w kafeteriji Dolnoserbskego gymnaziuma.