Z Lubina/Lübben. Na njedawnem pósejźenju wokrejsnego sejma Dubja-Błota jo głownoamtska zagronita za nastupnosći Serbow, Sabrina Kušcyna, Serbsku rozpšawu 2022 / 2023 pśedstajiła. Rozpšawa pokazujo wjelebocne serbske žywjenje w Dubja-Błotach (LDS) a pśedstaja, kótare napšawy su se w zajźonyma lětoma zboka wokrejsnego zastojnstwa zwopšawdnili.

W zwisku z nowo- respektiwnje narownańskimi wutoflickowanjami zastojnskich twarjenjow LDS jo se dwójorěcnosć w rozpšawowem casu teke zwenka starodawnego sedleńskego ruma realizěrowało, tak teke na zastojnstwowyma domoma w Parsku (Königswusterhausen) a Łukowje (Luckau), pśesajźiła. Ako prědny wokrejs w Dolnej Łužycy se w lěśe 2023 / 2024 busowe zastanišća w Dubja-Błotach dwójorěcnje wupokazuju.

Zboka wokrejsnego zastojnstwa su se z pśeźěłanim internetowego boka wokrejsa w lěśe 2022 nejwažnjejše informacije w dolnoserbskej rěcy pśełožyli. Wót nazymy 2023 póbituju se nowe dalejkubłańske pórucenja za nawuknjenje dolnoserbskeje rěcy za kuždego.