Z Dešna/Dissen. W dešańskem domowniskem muzeju su pó starej tradiciji dypkownje prědny adwent wótwórili gódownu wustajeńcu. Lětosa pak njejsu źaržali wótwórjeńske nagrono w dešańskej cerk-wi, ale ned w muzejowem domje. W zachadnych lětach jo pśecej chor „Łužyca“ pśi wótwórjenju wustajeńce wustupił, slědnu njeźelu jo wón ale w Tšupcu, na premjerje gódowneje kantaty spiwał. Muzikaliski stej město togo Nikola Götzingerowa a Bettina Müllerowa, cellistka a grajaŕka mandoliny z Statnego źiwadła Chóśebuz, to zarědowanje pśewóźiłej. Z pěś kuskami stej žeńskej gódownu mysl rozšyriłej.