Wótwórjenje buźo pětk, 25. nowembra, zeger 17:00 na Młyńskej droze 12. To buźo z pśedgódownym zgromadnym spiwanim a górucym winom na nutśikownem dwórje muzeja.

Z wustajeńcu „Zymske wjasela – Winterfreuden“ dajo póglědnjenja na tradicije Dolneje Łužyce k zymskemu casoju. Zymske wjasela zachopiju se ze wšakimi nałogami južo kóńc nowembra, zachopjeńk decembra, koncentrěruju se w decembrje wokoło kśesćijańskego gódownego swěźenja a segaju se hyšći až do februara, do cazoweje srjody (šwigawy). Pódla su pśiźenje Janšojskego boga, stajanje wrośatego boma, pjacenje nowolětkow, woklapnica, ptaškowa swajźba a zapust z camprowanim a swěźeński pśeśěg, až do źinsajšnego wjeraški woplěwanja tradicijow, kótarež w danem casu w regionalnje specifiskem wuformowanju wóswěśiju.