Z Města/Cottbus. Dla korony jo Anna Kosacojc-Kozelowa, zagronita za nastupnosći Serbow Města, gano wózjawiła pisnu wersiju swójeje lětneje rozpšawy (w nimskej rěcy). Normalnje musy ju wustnje pśedstajiś Zgromaźinje měsćańskich wótpósłańcow (Stadtverordnetenversammlung). Wóna rozkłaźo w teksće nadrobnje, co jo se tšojło w běgu zachadnego lěta, nastupajucy Serbow a jeje źěło.