Z Města/Cottbus. Južo źaseś lět dłujko maju wobydlarje a jich gósći kuždy źeń pśed sobu ten njerěšny a grozny wjeliki flak mjazy Blechenoweju kupnicu a postom – to groni srjejź města. Inwestor jo se kupił te grunty a jo kśěł tam twariś hyšći drugu kupnicu. To jo wót lěta k lětoju zlubił, ale se stało nic njejo. Protest a rozgniwanje wobydlarjow stej pśiběrałej, jo, samo wósebne towaristwo za wótpóranje teje „brachy“ jo se załožyło.