Z Budyšyna/Bautzen. Serbske cłonki kněžaŕstwowych partajow (Zwězk 90/Zelene, SPD, CDU) w Sakskej su 14. januara wobradowali wó tom, co z aktualneg kněžaŕstwoweg programa jo se zwopšawdniło. W koaliciskem dogronje pomjenjone serbske projekty, a pśedewześa deje se wěcej konsekwentnje spěchowaś. Politikarje su mjazy drugim wobzamknuli, až dej Sakska rada za serbske nastupnosći nutśikoserbski dialog moderěrujucy spěchowaś. Wósebny fokus dej byś rozgrono mjazy Serbskim sejmom a Domowinu. Financielne pódpěry za Załožbu za serbski lud deje se pówušyś, tak ako za druge kubłańske projekty. Na kóńcu su zastupniki hyšći diskutěrowali modernizěrowanje serbskich medijow a móžne tśikrajowe rozgłosowe póbitowanje. Za politikarjow jo zmakanje wužytny kšac za dalšny diskurs wó serbskich temach w politice był. Take rozgrona deje se wóttychměst pšawidłownje wóspjetowaś.