Z Wjerbna/Werben. K pśigótowanju domowniskego a drastwinego swěźenja pśi jubileju Wjerbna, kótaryž dej se pśewjasć wót 26. do 29 awgusta 2021, jo było planowane pósejźenje wobydlarjow 20. nowembra. Toś to jo było wótgronjone korony dla. Pśigótowanja jubilejnego swěźenja „675 lět Wjerbna“ pak dalej běže. Někotare Wjerbanarje by kśěli swóje dwóry k tomu swěźenju wupyšniś abo stojnicu pśi dwórach.

Pósejźenje wobydlarjow jo dejało słužyś k zběranju idejow, ale jo se pśesunuło a dej se wótměś pśi góźbje woklapnice, smějo-li se wóna scełego pśewjasć. Swěźeński komitej jo se wugronił, až 28. awgusta wót zeger 12 do 19 deje se pokazaś nałogi, rolnikaŕske žywjenje a historiske rucnikaŕstwo, ale teke kultura a wuměłstwo dejałej w srjejźišću stojaś.