Z Pódstupima/Potsdam. Prezidentka krajnego sejma Bramborskeje Ulrike Liedtke jo wuwołała k zapódaśu tekstow: Daś Bramborgarje a Bramborgaŕki zapódaju teksty wó „Wšednem dnju w casach korona-pandemije“, a to ku góźbje rěda zarědowanjow „KUNST zur ZEIT“ na nutśikownem dwórje Bramborskego krajnego sejma. Toś ten rěd z krotkimi kulturnymi pśedstajenjami pśewóźujo wót 9. julija to kšac-pó-kšacu-wótwórjenje krajnego sejma. Zastup jo lichy. Program namakajośo na landtag.brandenburg.de. Klikniśo nejpjerwjej na „Aktuelles“, pón na „Veranstaltungen“.

Waše „teksty k casoju“, ako tematizěruju lockdown a pandemiju, móžośo z mejlku pósłaś na . Wó formje wózjawjenja krajny sejm hyšći rozsuźijo. Termin za kóńc wótedaśa njedajo, daniž njedajo wobgranicowanje glědajucy na žanr. Ku kuždemu tekstoju pak dejśo teke wobjadnosć wó wózjawjenju dodaś.