Z Bórkow/Burg. Wólažcenja w napšawach pśeśiwo koronje zmóžniju, až wšake se zas zarědowaś móžo – se wě z wobgranicowaneju licbu wobźělnikow a pód napołožkami. Tak abo znak: Za wjele jo to nejskerjej wjelike wjasele, až zas wěcej w kulturnem žywjenju se stawa. Teke w Bórkowach młoge se stanjo:

Kurowy koncert

Na swěźenišću „Pśi pśistawje“/„Am Hafen“ w Bórkowach buźo sobotu 4. julija wót zeger 15:00 do 16:30 pśiducy kurowy koncert. Wustupijo muzikaliski duo „Rainer & Janine“ z Lubina. Prezentěruju program, ako wopśimjejo mimo klasikarjow ako „Simon & Garfunkel“ teke wjele spiwow z něgajšneje DDR ako „Lift“ abo „Karussell“. Zastup jo lichy.

www.rainerundjanine.de

Zmakanje na rucne źěło

Bórkojska domowniska śpa pšosy kuždy prědny stwórtk w mjasecu na zmakanje, źož móžośo źěłaś w towarišnej runźe na swójskich rucnych źěłach. Pó korona-pawzy buźo to stwórtk, 2. julija, prědny raz, až to zmakanje zasej se wótmějo, a to w casu wót zeger 18:00 do 20:00.

Wiki rucnikarjow a burow