Z Města/Cottbus. Bramborski krajny muzej za moderne wuměłstwo w chóśebuskej Dizelowej milinaŕni pokazujo wót pětka, 26. junija, až do 30. awgusta nowu wustajeńcu „Crazy. Žywjenje z psychiskimi chórosćami“ („Crazy. Leben mit psychischen Erkrankungen“). W Nimskej ga schórjejo wěcej ako kuždy stwórty dorosćony na psychiskej chórosći. A lěcrownož wjeliki źěl wobydlaŕstwa jo pótrjefjony, jo z takim cesto bejna stigma zwězana. Wustajeńca w Měsće co tu temu do zjawnosći znjasć. Prezentěruju se fotografije wót sedym mjazynarodnje renoměrowanych fotografowkow, a to su Laia Abrilowa, Sibylle Fendtowa, Nora Kleinowa, Herlinde Koelblowa, Melissa Spitzowa, Stephanie Steinkopfowa a Louis Quail. Wóni su se z cele wósobinskich pśicyn z teju temu rozestajali.