Kužde dwě lěśe organizěrujo Załožba SPI – filiala Bramborska krotke zajtšo (Stiftung SPI – Niederlassung Brandenburg Süd-Ost) Bramborske dny kultury młoźiny (Brandenburger Jugendkulturtage). Sobuzarědowaŕ a spěchowaŕ jo MBJS kraja Bramborska, a teke Nimsko-pólska organizacija za młoźinske źěło (Deutsch-polnisches Jugendwerk) je pódpěrujo.

Lětosne Bramborske dny kultury młoźiny se wótměju pód motom „buź wobźělony!“ wót 28. do 30. awgusta. Toś su pólske, litawske a nimske (bramborske) młodostne wót 14 do 25 lět pšosone, we tom casu w Centrumje kubłanja młoźiny (Jugendbildungszentrum) w Błožynje/Blossin (wokrejs Damna-Błota) se do gromadnych kulturnych aktiwitow daś.

W małych kupkach a zwětšego pód gołym njebjom budu w až do 15 wšakich workshopach (mjazy drugim rejowanje, bubnowanje, management zarědowanjow, grafiti, źiwadło) źěłaś, sebje póznaś a ku kóńcoju wuslědki prezentěrowaś. Nazgónite a renoměrowane wuměłce a fachniki budu te workshopy wjasć.