Z Města/Cottbus. Wót źaseś lět se swěśi w Rogeńcu kužde lěśe wósebny zagrodny festiwal „Park & grod Rogeńc“. A rowno lětosa, w jubilejnem lěśe togo festiwala, njamóžo se wón wótměś dla pśedpisow pśeśiwo rozšyrjenju korony. Organisatory (Agentura pool production) su měli ideju, město tradicionelnego festiwala lětosa kóńc maja małe rostlinowe wiki wugótowaś. Z nimi by teke gjartnaŕnjam a bomkownjam w tuchylnej śěžkej góspodaŕskej situaciji kus dalej pomogli.

Až do kóńca su se naźejali, až to buźo móžno. Ale teke zagrodne wiki su bóžko musali wótpowěźeś. Informěruju pak, až dej se jubilejny festiwal zagrody w Rogeńcu k swětkam 2021 nachwataś.

Južo kupjone zastupnicki za lětosny zagrodny festiwal pak smějośo se wě slědk daś. Za to móžośo pśi pool production zazwóniś pód 03 55/431 24 40 abo jim mejlku pisaś (gartenfestival@pool-production. de). Ale systemowy płaśonk a pśipósłańske kosty se njezarownaju. Zastupnicki, kótarež su se kupili w Měsćańskej hali (CottbusService), deje se tam slědk daś.

Zelena kampanja #Bra-

nitzerGartengeflüster