We wustajeńcy „Heimspiel“ namakajośo wjeliki źěl fotow Thomasa Kläbera, ako jo w zwězku „Land.Leben – Na jsy“ wózjawjony, mjazy nimi teke toś to foto ze sotšu a bratšom z Beyerna (měsćański źěl Sokolnice/Falkenberg) z lěta 1979, kenž jo titelowy wobraz wobrazowego zwězka. 
Ze Złego Komorowa/Senftenberg. Wót 28. apryla jo muzej w Złem Komorowje za woglědarjow a woglědaŕki zasej wótwórjony. A wót togo tek móžośo se w tamnej Wuměłstwowej zběrce Łužyca (Kunstsammlung Lausitz) tu nowu wustajeńcu „Heimspiel“ woglědaś, kótaraž wokoło 60 carno-běłych fotografijow łužyskego fotografa Thomasa Kläbera pokazujo a kótaraž w měrcu a aprylu bźez publikuma jo wóstaś musała.
Za 17. měrc su ga wótwórjenje teje wustajeńce gromaźe z Ludowym nakładnistwom Domowina planowali, ale pśez te napśiske napšawy pśeśiwo rozšyrjenju korony njejo to zarědowanje se wótměś směło. Něnto stakim Wy je sebje skóńcnje woglědaś móžośo – te fotografije Thomasa Kläbera z pěś lětźasetkow, z kótarychž to mócne zwězanje fotografa k luźam a krajinam swójeje domownje wujźo.