Kaž te stare spiwaju, tak te młode tśikocu – to su naše stare gronili. Aby to pśisłowo teke nadalej płaśeło, jo Gregor Kliem ten dawno wupśedany spiwnik (wudaśe z lěta 2007) rozšyrił a nowo zestajił. Wuslědk něnto w LND pśedlažy, samo z app za handy.

Spiwnikoju „Dolna Łužyca spiwa“ jo se ceła kopica nowych spiwow dodała. „Naša Anka źinsa doma njejo“, „We tych akacijach tam“, se wě ta „Annemarie“ a dalšne spiwy how namakajośo, kótarež se w Dolnej Łužycy rad a cesto spiwaju. A buźo-li to zasej dowólone, móžośo z nimi wóžywiś wašu domowinsku zgromaźinu, wobogaśiś Waš wejsny swěźeń abo rozwjaseliś Waš zapustojski pśeśěg. Tam płaśi pón snaź dalšne serbske pśisłowo: Gaž kury spiwaju, kokoty womjelknu.

978-3-7420-2586-9

Soft-cover

188 b., z notami

Płaśizna: 12,90 €

www.domowina-verlag.de