Ze Złego Komorowa/Senftenberg. Dla korona-pandemije muse muzeje teke pśez jatšowne dny zacynjone byś. Ako wurownanje pśinjasotej wokrejs Górne Błota-Łužyca a lokalny telewizijny sćelak Seenluft24 lětosa jatšowne póbitowanja ze złykomorojskego groda digitalnje k familijam domoj.

Kurse k pyšnjenju serbskich jatšownych jajow w muzeju „Grod a twardnica“ muse dla aktualneje situacije bóžko wupadnuś. Za to pak dajo wót pětka, 3. apryla, online-kurs na webboce muzeja a w programje Seenluft24. Muzeumowa pedagogowka Christiane Meisterowa tam dajo pokaze za pyšnjenje serbskich jatšownych jajow. Rozkładujo pśi tom, kak móžo jaden teke z jadnorymi srědkami, ako se mjazy basleńskimi wěcami w źiśecej śpě namakaju, wóskowańsku techniku wuproběrowaś.

Mimo togo dajo krotki film, kenž wirtuelne wobchójźenje pśez wustajeńcu regionalnych jatšownych jajow „Farbenspiel“ zmóžnijo.