Z Grodka/Spremberg. Na apel grodkojskeje Agentury dobrowólnych (Freiwilligenagentur) jo južo wjele hobby-šlodaŕkow se pśizjawiło a sobu pomaga: Šyju wšake modele nagubkow, dokulaž za to wobstoj tuchylu wjelika pótrjeba. Rozpokazanje, kak móžo nagubk se šyś, móžo kuždy zajmc, kenž za tym pšaša, pśez mejlku abo w śišćanej formje dostaś.

Zběranišćo, ako jo nejpjerwjej we Wili Ludoweje solidarnosći było, namakajo se wót pónjeźelego, 6. apryla, we wobłuku zachoda radnice (Am Markt 1, 03130 Grodk) w Grodku. How mógu gótowe nagubki se w jadnej kisće mimo kontakta pśepowdaś we wótwórjeńskich casach radnice: Pónjeźele wót zeger 09:00 do 12:00, wałtoru wót zeger 09:00 do 12:00 a wót zeger 13:00 do 17:30, stwórtk wót zeger 09:00 do 12:00 a wót zeger 13:00 do 16:00.

Rozdawanje tych maskow organizěruju gromaźe ze zastojnstwom města Grodk.

Teke jadna druga kista stoj we wobłuku zachoda radnice. We tej póbituju južo materialije k šyśu, teke južo pśirězane maski.

Napšašanja a pokaze raźi pśiwzeju pód 03563/6090321, pśez WhatsApp 0172/6170046 abo pśez

e-mail .