Z Města/Cottbus. Teke klinikumy w casu korona-pandemije njamaju dosć šćitnego wugótowanja. Pśedewšym nagubki jim feluju. Teke młoge sobuźěłaśerje a sobuźěłaśeŕki Klinikuma Carla Thiema w Chóśebuzu mjaztym sami nagubki šyju – a pšose wó pomoc. Klinikum na swójom internetowem boce pišo, až doma šyte maski z bałmy k pałkanjeju a zasejnałožowanju bituju pśirownujobny šćit ako maski „za jaden raz“, ako se pśedawaju w kupnicach. A gaž – tak pišu dalej – trajnje se nosy nagubk w klinikumje, móžo riziko infekcije se až na 90% pómjeńšyś.

Sobuźěłaśerje a sobuźěłaśeŕki klinikuma se wjasele, gaž dostanu na ten part pomoc. Rozpokazanje za šyśe móžo se kuždy na social-media-kanalach klinikuma woglědaś abo ako pdf na www.ctk.de wólodowaś.

Gótowe nagubki mógu se wótedaś pśi głownem zachoźe klinikuma, kenž se južo prědkuwen za drogotnu pódpěru wuźěkujo.

Gaž na wšaki drugi part klinikumoju pomoc cośo, móžośo to póbitowanje jim pósrědniś pśez mejlku