Z Chóśebuza/Cottbus. Město jo 8. januar pšosyło na nowolětne pśiwitanje. Wušy šołta Holger Kelch njejo mógł pśiś, za njogo jo šołtowka Marietta Tzschoppe wuwitała wěcej ako towzynt gósći z politiki, góspodaŕstwa, medijow, kultury a sporta w měsćańskej hali a je pšosyła na „leśenje do partnaŕskich městow“. Mjazy nimi su byli měsćańska zagronita za serbske nastupnosći Anna Kosacojc-Kozelowa, zastupniki Serbskego sejma a Domowiny, Załožby za serbski lud, Serbskego instituta, Dolnoserbskego gymnaziuma, šołty jsow a wót rbb. We rozgronje ze šołtowku jo se moderator Christian Matthée teke serbski wopšašał. Wukniki Ewangelskego gymnaziuma a Źiśecy musical su rozwjaselili gósći, na górnej etažy su se Serbski muzej, Lodka, Domowina a Heinzojc šlodaŕnja pśedstajili.