Lube źiśi,

zasej smy dostali list. Pisali su bórkojske „Lipa“-źiśi z „kupki wackow“ (Käfergruppe). Cytaj, cytajtej a cytajśo!

„Pasujucy k jatšownemu casoju su źiśi waccyneje kupki pšosyli pomocnicu jatšownego wuchaca ku se. Pomocnica jo pśišła. To jo była Babette Zenkerowa z dešańskego muzeja. Wóna jo sobu pśinjasła materiale, ako su trjebne za pyšnjenje jatšownych jajow. Wóna jo dokradnje rozkładowała, kak móžomy serbske jatšowne jaja z wóskom pyšniś. Wóna jo nam teke wulicowała, co te wšake mustery na jatšownych jaja wóznamjeniju. Powědała jo wušej togo wót walkowanja.

Cośo doma raz serbske jatšowne jaja pyšniś? Marie a Sarah z kupki wackow budu Wam rozkłasć, kak to źo!