Lube pśijaśelki a pśijaśele gódańkow, smy how a tam za wjasele se starali z gódowneju kśicawku? Pór lět njejsmy take něco měli, łoni pak zasej póbitowali, smy žycenje jadneje cytaŕki dopołnili. Wutšobny źěk do Budyšyna na gódańko-gótowarja Mikra! How to wugódanje kśicawki: „Wjasoły gódowny cas!“ A smy ga teke póbitowali gódowny rebus. How jo wšojadno było, lěc sćo pla tśeśego wobraza wužywali słowo „pjac“ abo „pjacyk“. Ale gaž smy cele korektne – na wobrazu jo był wiźeś „Herd/pjacyk“. Tak abo znak: Wugódanje zni „Darim wjasele“.