Pśed krotkim jo webbok projekta za rewitalizaciju a rěcne planowanje SROKA (Serbsku rewitalizaciju organizěrowaś, koordiněrowaś a analyzěrowaś) online https://sroka-plan.org/.

Serbski institut pyta na tom webboce za luźimi, kótarež kśě k rewitalizaciji dolnoserbskeje rěcy pśinosowaś. Wót 1. julija 2025 do nejpjerwjej 31. decembra 2027 dej kupka z až do pěśnasćo impulsdawarjow/impulsdawaŕkow za serbske rěcne planowanje nastaś, kótarež se ako „strategiska kupka“ za masterski plan konstituěrujo.

Gaž maśo zajm za to, w toś tej kupce cestnoamtski sobu statkowaś, procujśo se pšosym až do 1. junija 2025 pód https://sroka-plan.org/de/mitmachen.html. Tam namakajośo wěcej informacijow wó wuměnjenjach za procowanje a nadawkach.