Lube lazowaŕki a lazowarje, dokulaž jo nam kurjawkojte jatšowne zajtšo taku wósebnu, pśisamem mystisku atmosferu wobraźiło a wjele fotografow jo nam ze wšakich jsow Dolneje a Srjejźneje Łužyce bejnje wjele rědnučkich wobrazow pśipósłało, njejsmy kśěli je pśed Wami zatajaś.

Na toś tom boce namakajośo toś nejrědnjejše jatšowne impresije. Wiźeś su na njom naše pilne jatšowne spiwaŕki, kótarež su se jatšownu njeźelu zajtša rano spiwajuce pó jsy pórali, aby zrowastawanje Jezusa Kristusa zapowěźeli, a to we Wjerbnje, w Gołbinje, w Husu, w Popojcach, w Žylowje, kaž teke w Rownem a Slěpem.