Z Janšojc/Jänschwalde. Rowno tam, źož dej w pśiducych lětach źěłaŕnja za módrośišć nastaś, ga w Serbsko-nimskem domowniskem muzeju Janšojce, jo se pśedstajiła stwórtk, 27. februara, nimskorěcna brošurka, kótaraž se zaběra z łužyskim módrośišćom. Awtor a wudawaŕ Daniel Häfner (Lausitzer Institut/Plon GmbH) jo na prezentaciju standardnego źěła za Łužycu wó módrośišću pód titlom „Blaudruck in der Lausitz – Vergangenheit und Zukunft“ pśepšosył a tomu jo jadnab źaseś luźi do muzeja a dalšnych źaseś luźi online slědowało. Jogo sobuawtor, Wolfgang Jentsch, znajaŕ a zagórity zběraŕ serbskego módrośišća, jo se jomu pór minutow pózdźej pśizamknuł.