Pó mójom měnjenju by dejali pśi tom swěźenju nostalgiju z modernosću zwězaś. Městno jo kafeterija DSG. Głowne aktery by dejali wukniki a absolwenty teje šule byś.

Wjelgin woblutujom, až šula jo mě „Marjana Domaškojc“ wótpołožyła. Domaškojc sotšy Liza a Marjana stej pśed hundert lětami basni a druge literarne teksty pisałej. Marjana jo pisała samo źiwadłowe kuse. Hundert lět pózdźej mamy zasej pódobny zjaw. Gutšmidtojc sotšy a jich nan pišu teke serbski a nimski.

Pśed źaseś lětami som grał z wuknikami w Tšupcu serbske źiwadło. Pěś kusow wót 2012 do 2016, 2018 źiwadłowy kus k burstakoju Miny Witkojc z wuknikami 9. a 10. lětnika. To jo był kus „Mina Witkojc a prof. Muka“. Wše graśa su byli wuspěšne.