Pšuski ministerski prezident, zocialdemokrat Braun, kótaremuž běchu znowa procu dowěrili, aby nowe ministerstwo zestajał, jo tuten nadawk pšuskemu sejmej wrośił. Wón běšo se pódermo procował, dokulž se nimska ludowa strona zapowěźi, se pśi kněžaŕstwu hobźěliś. Ta co jano do kněžaŕstwa zastupiś, kótaremuž nimskonacionalne pśisłušaju a z kótaregož su zocialne demokraty huchytane. Tuchylu pak jo take kněžaŕstwo njemóžne. Demokratiska a centrumska strona njocotej se z nimskonacionalnymi do kněžaŕstwa źěliś. Toś buźo centrumska strona dejaś spytaś, nowe kněžaŕstwo hutwóriś. Pjerwejšy nimski kancler Marx dej ten nadawk huwjasć. Mjazy wšyknymi cłonkami pšuskego sejma maju jogo za nejlěpšu wósobu za tuten nadawk. Teke jogo politiske pśeśiwniki pśipóznawaju, až jo se wón pśecej ako dówěźenja gódny cesćowny muž hopokazał. Ale dowěrjenje same njedósega. Pśede wšym źo tu to pśašanje, lěz by jogo ministerstwo dósegajucu wětšynu zady se měło.

Genau vor 100 Jahren im Serbski Casnik