Z Łužyce/Lausitz. Slědny kóńc tyźenja stej prědnej jsy, ako Bórkowy a Popojce, zapustojski cas wótwóriłej. Pó dwěma lětoma pawzy jo zasej móžno „pšawje“ zapustowaś a swěśiś. Na wjele jsach su bźez kontakta camprowali, jano młoźinske pśedsedaŕstwo jo k swójim sponsoram z distancu woglědało. Nanejmjenjej su mógali w lěśe 2022 drastwy pśewětšyś abo w lěśu zapustowaś. To pak njejo to samske a njejo zarownanje za tradicionelny zapust. Śim wěcej a intensiwnjej budu nejskerjej lětosa rušowaś. Bórkowy a Popojce stej se zachopiłej, wěcej zapusty na łužyskich jsach budu slědowaś. To groni: Njezabyšćo drobne pjenježki, jolic camprowarje zastajaju Wašo awto!