Pśijaśele awtow z kraja, do kótaregož wjele Serbow w 19. stolěśu jo wudrogowało, su se zmakali 18. junija w Dešnje. Wejsna droga jo była połna awtow z wjelikim motorowym wolumenom. Wětšy źěl su wóni pśišli z Bramborskeje a Sakskeje. Nejdlejšu drogu jo měł wobźělnik ze Šwicaŕskeje. Wóni wšykne su pśišli na pśepšosenje towaristwa American Cars Chóśebuz. Mjazy woglědarjami stej byłej Elli a Paula z Dešna w burskej drastwje. Jima jo se spódobał stary Buick wót 1959. Wobsejźaŕ Fred Gumbal z Barlinja jo rad wótegranjał na pšašanja k swójomu oldtimeroju. Jawišćo z moderaciju a muziku jo wobrubiło zarědowanje. AA1Foto: F. Matijašk1AAA